Само неколку дена по најавата за борбата меѓу Тајсон Фјури и Ентони Џошуа, закажана за 11 декември во Кардиф, од Велика Британија пристигнуваат вести дека овој спектакл би можел да биде откажан.
Фјури тврди дека неговиот сонародник и промотер Еди Херн се обидува да ја спречи борбата меѓу двајцата поранешни светски шампиони во тешка категорија.
Овој голем британски дуел беше официјално најавен во четвртокот од страна на промотерот Турки Алалшик и платформата за стриминг „Нетфликс“. Фјури и Џошуа требаше да се борат за светската титула во тешка категорија на ВБА, но несогласувањата се појавија само еден ден по најавата.
„Ентони Џошуа и Еди Херн се обидуваат да се повлечат од оваа борба. Велат дека не сакаат да се борат во овој момент“, изјави Фјури во видеото објавено на социјалните мрежи во петокот вечерта.
„Ројтерс“ стапи во контакт со промотерската куќа на Херн, „Мечрум боксинг“, за коментар во врска со тврдењата на Фјури.
Херн претходно изјави дека тој и Џошуа инсистирале борбата да се одржи во Обединетото Кралство, додека промотерите првично предложиле таа да се одржи во „Медисон Сквер Гарден“ во Њујорк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
