Борусија Дортмунд се задржа на чело на бундеслигашката табела откако „милионерите“ попладнево славеа на гостувањето против Аугсбург со 1-2 за четврта победа во низа, шеста во досегашните седум кола од домашниот шампионат. Поразот од Реал во ЛШ не остави преголема трага врз играта на „милионерите“, кои делуваа сигурно и заслужено стигнаа до цел плен благодарение на два прекрасни погодоци. Јармоленко го отвори резултатот со прекрасен удар „со пета“ во противничкиот шеснаесетник, а откако домаќините израмнија вториот гол со прекрасен лоб го постигна Кагава.
Многу интересно беше во Франкфурт, каде Ајнтрахт по голема битка го совлада Штутгарт со 2-1. Халер беше стрелец на единствениот гол во 94. минута, и тоа во ситуација кога домаќините триесетина минути играа со фудбалер помалку по црвениот картон на Фалете.
Подеднакво возбудливо беше и во Менхенхгладбах, каде домаќините со пеналот на Азар во 94. минута славеа над Хановер со 2-1.
Дивок Ориги постигна гол за Волфсбург, но и тоа не беше доволно за да се совлада Мајнц (1-1) откако гостите стигнаа до израмнување преку Муто во 74. минута.
Резултати Германија:
Аугсбург – Борусија Д. 1-2, Борусија М. – Хановер 2-1, Ајнтрахт – Штутгарт 2-1, Волфсбург – Мајнц 1-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
