Манчестер Сити е подготвен да го продаде Савињо, а Тотенхем повторно се стреми кон него. Овој трансфер беше актуелен и пред почетокот на сезоната, но потоа Сити сепак одлучи да го задржи и да му даде уште една шанса, но не може да се каже дека Бразилецот ги исполни очекувањата.
Савињо е играч кој најчесто почнува од клупата, одигра 13 натпревари во Премиер лигата, иако помина помалку од 500 минути на теренот и нема голови, со две асистенции. Доби шанса во Лига купот каде што постигна два гола, додека во Лигата на шампионите регистрираше една асистенција на шест натпревари, исто така како резерва.
Савињо е голема желба на Томас Франк, кој сакаше да го спои со Мохамед Кудс ова лето. Тотенхем е подготвен да го урне својот рекорд на трансфер, и се споменува сума од најмалку 70.000.000 евра, што би требало да биде доволно со оглед на тоа што Сити му плати само 25.000.000. Меѓутоа проблем е што Франк е долго време пред отказ, па евентуално негово напуштање на клупата на лондонскиот тим, би можел да го смени правецот на Савињо.
Бразилецот има само 21 година, па кариерата му е пред себе, но најверојатно надвор од Манчестер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
