По бројните заминувања на првотимците од клубот, Вардар се обидува да ги пополни играчките редови за настапите во квалификациите од Лигата на Европа. Се чини, веќе е договорено и првото засилување во името на поранешниот фудбалер од средниот ред на Шкендија, Бразилецот Виктор Јуфо.
25-годишниот Јуфо пред една сезона настапуваше во дресот на тетовци. Не се снајде најдобро па клубот го ослободи од обврските, за да сега според информациите на „Инфоспорт“ веќе и дефинитивно се договорил да го „засили“ Вардар.
„Постигнав договор за трансфер во Вардар. Среќен сум што одам во овој клуб, следната недела и официјално во Скопје треба да се финализира договорот“ – вели Јуфо.
Минатава сезона бразилскиот фудбалер настапуваше во дресот на албанскиот прволигаш Фљамуртари, од каде сега треба да се префрли во редовите на најтрофејниот македонски клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
