Реал Мадрид синоќа ги разочара своите навивачи откако на „Сантијаго Бернабеу“ беше поразен убедливо со 4-0 од лутиот ривал на Барселона. Кралскиот клуб го одигра еден од најслабите натпревари оваа сезона и Барселона целосно ги надигра во сите сегменти од играта.
Каталонците славеа со 4-0, но резултатот можеше да биде уште поубедлив.
Карло Анчелоти експериментираше со формацијата откако не можеше да смета на повредениот Карим Бензема и покажа дека формациите 4-4-3 и 3-5-2 се целосно промашување. Италијанскиот стручњак одлучи дека Бензема нема да игра поради полесна повреда и дека е поважно тој да биде подготвен за финишот на сезоната, но отсуството на Французинот и тоа како се почувствува на теренот.
„Синоќешниот срамен пораз од Барселона се случи затоа што ги потценивме. Вечерта во очи на натпреварот кога се разбудив ги видов Винисиус и Касемиро како пијат и играат ФИФА заедно. Ги прашав зошто не одмараат пред важниот натпревар, а Винисиус ми одговори – Нема потреба, Барселона е без Меси“, изјави Бензема.
Се покажа дека Бензема е убедливо најдобриот играч на Реал Мадрид веќе неколку сезони и дека без него Анчелоти едноставно нема решение во нападот. Поразот од Барселона го потресе Бензема кој го следеше натпреварот, а сите беа изненадени кога тој јавно реши да ги посочи соиграчите за очајниот настап на „Ел Класико“.
Benzema says Real Madrid teammates were “playing FIFA” the night before El Clásico game vs Barca.😬 pic.twitter.com/GIPdgV8S2e
— ESPN CF (@ESPN_CF) March 21, 2022
Benzema 🙁
📸 @ESPNFC pic.twitter.com/JBw7GuZ0W5
— BeFoot (@_BeFoot) March 20, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
