Кошаркарите на Денвер загубија од Њу Орлеанс со 115-110 во синоќешниот натпревар од НБА лигата кој го одбележа 109-от „трипл-дабл“ во кариерата на Никола Јокиќ.
Српскиот центар на терен мина 36 минути и за тоа време постигна 26 поени, дополнети со неверојатни 18 асистенции за еден центар и 16 скока. Со овој „трипл-дабл“ Јокиќ го израмни својот рекорд од 18 асистенции во кариерата од мечот против Хјустон во 2020 година.
Најголема помош на мечот имаше од Кристијан Браун кој постигна 25 поени, имаше и девет скока и три асистенции. Мајкл Портер, пак, дополни со 18 поени и 11 скока, додека Гордон и Џексон запишаа по 14 поени.
Во победничкиот тим Зајон Вилијамсон постигна 26 поени, а Јонас Валанчунас дополни со 22 поени и осум скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
