Спортскиот директор на Шкупи, Омер Буњаку верува дека утре мегданот со Работнички од 31. коло во Првата македонска фудбалска лига ќе донесе коректен и чесен фудбал во кој на крајот ќе победи само подобриот на терен.
Мечот е значаен и за двата состави, во битката за четвртата позиција на табелата која може да донесе и европски излез…
„Сега сме во еден добар момент, довербата е на посакуваното ниво и се надевам дека ќе му пристапиме на натореварот 100% подготвени. Утре треба да бидеме подготвени за позитивен резултат, затоа што играме за самите нас, играме за Шкупи. Очекувам борбен натпревар од моите играчи, натпревар кој е од големо значење, но не би рекол дека е и решавачки. Очекуваме коректно судење, се надевам дека ќе видиме чист и борбен натпревар, затоа што овој натпревар е од големо значење за понатамошниот дел, и за целите кои пред себе ги имаат и двете екипи, а на крај нека победи подобриот. Очекуваме голем број на навивачи, затоа што сите знаеме дека на секој натпревар тие се наш дванаесети играч“ – вели Буњаку пред утрешниот натпревар со „романтичарите“ во 31. коло од ПМФЛ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
