Лајпциг двапати имаше предност против Келн, но не успеа да слави на домашен терен, па се задоволи само со реми, 2-2. Тимо Вернер знаеше како да го прослави враќањето на теренот на „Ред Бул Арената“, откако во 36. минута со удар од околу 30 и пол метри го доведе својот тим во предност.
Гостите израмнија во 40. минута од натпреварот, Кајнц нафрли од десната страна, Диц се најде на вистинското место и погоди за 1-1.
Уште два гола видовме во вториот дел, Лајпциг прв поведе, преку Нкунку, одлична асистенција на Олмо кој го најде својот напаѓач, егзекуција на високо ниво за 2-1. Сепак, мечот заврши со 2-2, по корнер од левата страна, Гвардиол очајно реагираше и ја испрати топката во сопствената мрежа.
Аугсбург денеска како гостин целосно го изненади Леверкузен, беше 1:2. Јенсен ги доведе гостите во предност во 15. минута, а Арангуиз израмни во 43. Хан им донесе победа на гостите во 82. минута од натпреварот. Треба да се напомене и дека домашните имаа многу шанси, 10 удари кон голот, над 60% посед, но тоа не беше доволно за победа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА