Тренерот на Барселона, Чави Хернандез, ги коментираше гласините за заминувањето на Френки Де Јонг. Во последно време се шпекулира дека одличниот играч за врска е на излезната врата од Барселона и преселба во Манчестер Јунајтед, каде од следната сезона тренер ќе биде Ерик Тен Хаг.
Чави истакна дека Де Јонг е многу важен играч на Барселона, но и дека мора да се реши финансиската ситуација во која се наоѓа клубот.
„Многу пати сум кажал дека Френки е многу важен. Тој е клучен играч. Но, тука е и финансиската состојба на клубот, која мора да се реши. Не зборувам за Френки, туку воопшто“, рече Чави.
Според тамошните медиуми Јунајтед е подготвен да плати 70 милиони евра за Де Јонг, а наводно пред заминување од клубот од „Камп Ноу“ е Тер Штеген.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
