Челзи како голем фаворит допатува во Малме на пресметката со шведскиот првак, а успеа да го победи минимално. Се намачија избраниците на Тухел да го најдат патот до голот, а тоа им успеа само еднаш. Зијех погоди во 56. минута и тој гол ја донесе победата на крајот за „сините“ кои дојдоа до третата победа во групата. Имаа шанси Челзи за поубедлив триумф, а Пулишиќ во финишот промаши празен гол.
Македонскиот репрезентативец Ердал Ракип играше до 86. минута кога беше заменет.
Во вториот меч Волфсбург го совледа тимот на Салцбург со 2:1, и дојде до првиот триумф во групата. „Волците“ дојдоа до прв гол уште во третата минута преку Ридле Баку . Салцбург успеа да израмни со прекрасниот гол на Вобер од слободен удар. Волфсбург дојде до ново водство преку Лукас Нмеча во 60. минута.
РЕЗУЛТАТИ:
Волфсбург – Салцбург 2-1
Малме – Челзи 0-1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА