Полскиот натпреварувач Камил Штох е победник и на втората станица од традиционалната новогодишна турнеја во скијачки скокови „Четири скокалници“, што денеска се одржа во Гармиш – Партенкирхен. Тој славеше со скокови од 135,5 и 139,5 метри и беше подобар од второпласираниот Ричард Фрајтаг од Германија.
На третата позиција се пласираше Норвежанецот Андерс Фанемел.
Штох е само третиот ски-скокач кој во последните 12 сезони на оваа традиционална турнеја успеал да победи на првите две натпреварувања. Полјакот беше најдобар и на првата етапа во Оберсдорф. Натпреварувачките сега се селат во Австрија и ќе имаат уште две натпреварувања, во Инсбрук и во Бишофсхофен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
