Македонскиот фудбалски прволигаш Шкупи тестира четворица интернационалци од Сенегал. Тие се приклучија на тимот на Зекирија Рамадан во Турција и во наредните неколку дена ќе се обидат да заслужат договор во клубот од Чаир. Шкупи се подготвува за дуелите со Глазгов Ренџерс во Лигата на Европа, а последното засилување е голманот Игор Алексовски, кој дојде од редовите на Вардар.
Четирите потенцијални засилувања од Сенегал се играчи од сите линии во тимот. Папе Сејду Ндаје е голман, и доаѓа од шампионот на оваа земја, Џараф Дакар. Муса Мароне игра на левата крилна позиција, Мади Фати е напаѓач, додека Фаустин Сенгор е играч од средниот ред. Сите тројца досега биле членови на тамошниот прволигаш Епи Каза Спорт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА