Кристијано Роналдо го постигна еден од најлесните голови во кариерата откако вечерва од триесетина сантиметри ја смести топката во мрежата на Динамо Киев за водство на Јувентус од 2-0. Сепак, овој погодок ќе остане запишан во историјата како јубилеен 750. гол во кариерата на португалската мегаѕвезда, севкупно на клупски и на репрезентативен план.
Роналдо забрзано чекори кон епитетот најдобар стрелец во фудбалската историја, со оглед на фактот дека пред него се само две фудбалски легенди, Јозеф Бикан со 759 и Пеле со 757 погодоци.
Од овие 750, Роналдо постигнал само 10% во дресот на Јувентус. Убедливо најефикасен бил како член на Реал Мадрид, постигнувајќи 450 гола, во дресот на Манчестер Јунајтед прецизен бил 118 пати, за селекцијата на Португалија има 102 погодоци, а во оваа статистика влегуваат и петте гола што Роналдо ги постигна на почетокот од кариерата, како член на Спортинг Лисабон.
Only the third player in History to score 750 goals! Cristiano Ronaldo! The Goat! The Champion! pic.twitter.com/2AOMtPge4x
— Wolf (@WoolwichCannons) December 2, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА