Македонскиот репрезентативец Дарко Чурлинов е играч на натпреварот за Шалке 04 во победата од 4-1 против Нирнберг во дербито од 17. коло во Втората Бундеслига.
Чурлинов извонредната партија ја заокружи и со својот прв гол сезонава во дресот на Шалке 04 каде настапува како позајмен фудбалер од Штутгарт. Во 85. минута македонскиот напаѓач мајсторски погоди по одбиената топка, за 3-1 во тие моменти за својот тим.
Претходно, и првиот гол за Шалке 04 кој го постигна Холанѓанецот Увејан беше дело токму само на македонскиот репрезентативец. Чурлинов одлично продре по левата страна, шутираше откосо а одбиената топка Увејан само ја смести во празната мрежа.
Шалке 04 по оваа победа се проби на третата позиција на табелата во битката за брзо враќање во Бундеслигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
