Македонскиот репрезентативец Дарко Чурлинов деновиве очекува официјална промоција во германскиот второлигаш Штутгарт.
Како што пренесува германски „Билд“, трансферот на Чурлинов од Келн во Штутгарт е веќе договорен а се очекува единствено промоцијата во текот на следната недела кога и ќе стартуваат подготовките на Штутгарт за пролетната сезона.
Договорот на македонскиот фудбалер со Келн истекува во јуни следната година, па и за Келн е од интерес, доколку не следи понуда за нов меѓусебен договор, продажба во престојниот зимски преоден рок.
Штугарт по есенскиот дел е на третото место во Втората германска лига, останувајќи во сериозна трка со Арминија Билефелд и Хамбургер за прволигашка промоција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА