Леброн Џејмс сериозно размислува да се повлече од кошарката, пренесуваат медиумите во Соединетите Американски Држави.
Новинарот Крис Хејнс кој работи како репортер за телевизијата „Ти-ен-ти“, прв ја објави веста дека Џејмс не е сигурен за сезоната 2023/24, иако има договор.
Хејнс во својот текст наведува дека Леброн треба да размисли за многу работи пред следната натпреварувачка година, дека има многу во игра и дека прашање е дали ќе се врати на паркетот.
Џејмс на прес-конференцијата по „метлата“ од Денвер изјави и дека мора да размисли за некои работи. Леброн Џејмс е еден од најдобрите, а според многумина и најдобриот кошаркар во историјата, четирикратен шампион во НБА лигата, сопственик на бројни рекорди, меѓу кои и „најдобриот стрелец во историјата“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА