Поранешниот македонски репрезентативец Александар Дамчевски својата кариера ја продолжува во прволигашот од БиХ, Железничар.
Како што пренесуваат медиумите од БиХ, Дамчевски денеска треба да пристигне во Сараево каде и официјално треба да потпише договор со својот нов клуб.
„Остануваат уште само мали детали пред и дефинитивно да се постигне договор меѓу двете страни“ – пишуваат медиумите од БиХ.
Дамчевски, кој беше стандарден македонски репрезентативец во времето на селекторување на Бошко Ѓуровски, претходно во својата кариера има настапи и за кипарски Ермис, казахстански Атирау, швајцарскиот Луцерн како и бугарскиот прволигаш Черноморец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
