Работнички е пред потпис со стоперот Дарко Илиески, кој од пред неколку дена го напушти тимот на Копер, и сега е слободен фудбалер. Илиески во минатото играше и за Пелистер, Шкупи, Борец, Тиквеш, Металург, а покрај Копер, има уште еден интернационален ангажман во тимот на Ширак од Ерменија.
Илиески би требало да ги решава проблемите на Работнички во одбраната, откако си замина Александар Ристески, а пред заминување е и Александар Позњак. Токму од тука еден од приоритетите на „романтичарите“ во овој преоден рок ќе биде стоперската позиција која треба да биде пополнета со Илиески и со уште еден фудбалер.
Исто така проблематичен во есенскиот дел беше и нападот, па треба да се очекува дека Работнички да бара засилување и на таа позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
