Дарко Велковски обезбеди место во групната фаза од Лигата на Европа откако во плеј-оф рундата со својата Ријека славеа со 0-1 на гостувањето против Копенхаген.
Хрватите до победата дојдоа со автоголот на Анкерсен во 20. минута од средбата.
FC København 0-1 Rijeka – Peter Ankersen own goal 20′ (hilarious goal) from r/soccer
Велковски го одигра целиот натпревар во одбраната на Ријека, за која не настапи, како што е познато поради повреда, младинскиот репрезентативец Милан Ристовски.
Пласман во групите од Лигата на Европа не обезбедија Бобан Николов и Висар Муслиу со унгарски Мол Фехервар кој со 3-1 загуби на гостувањето од Стандард во Белгија, и покрај тоа што имаше водство од 0-1 на полувремето. Николов и Муслиу ги одиграа сите 90 минути во унгарскиот состав.
Нема да има настап во Лигата на Европа и за Крсте Велкоски кој со Сараево загуби на домашен терен од шкотски Селтик со 0-1. Велкоски ги одигра последните пет минути за шампионот на БиХ.
Пред елиминација се и поранешните вардарци, Филип Најдовски и Кристијан Тошевски кои со Тирана на 20 минути пред крајот имаат негатива од 3-0 против швајцарски Јанг Бојс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА