Поранешниот македонски младински репрезентативец Ердон Даци, постигна нови два гола во белгиската втора лига, со кои неговиот тим Вестерло триумфираше на домашен терен со Мускрон и тоа со пресврт во вториот дел.
Тимот на Вестерло имаше негатива од 0-2 како домаќин, но во вториот дел се разбудија домашните. Најпрво во 56. минута намалување, а потоа во 58. минута Даци израмни. Вестерло дојде и до предност, за потоа Даци да постигне гол за убедливи 4-2. Во финишот Мускрон само успеа да ублажи.
Пред последниот свиреж, Даци доби и жолт картон. Тој со овие два гола сега има осум погодоци во Белгија, и супер старт за Вестерло, кој е на чело на табелата на патот кон „елитата“. Даци на почетокот на сезоната дојде во Вестерло од Коњаспор, и има одличен старт на сезоната, што е одлична препорака за селекторот Милевски пред бараж дуелот со Италија во март идната година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
