Матијс де Лихт повторно го „пецна“ Алегри и неговиот веќе поранешен клуб Јувентус. Откако замина во Баерн Минхен, Холанѓанецот се обидува да објасни зошто го направил трансферот и од што бил незадоволен во Торино, па сега на ред дојде и тренерот.
Претходно Де Лихт се жалеше од дефанзивниот пристап на Јувентус, а сега изјавил дека не уживал целосна доверба кај Алегри, но и кај селекторот на Холандија.
„Минатата сезона првпат во кариерата имав двајца тренери, Луј ван Гал и Макс Алегри, кои немаа целосна доверба во мене и поради тоа загубив самодоверба. Претходно, постојано имав тренери кои беа мои фанови и тогаш е лесно да играш добро“, рекол Де Лихт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
