Македонскиот олимпиец Дардан Дехари денеска го имаше последниот тренинг на патеката во Пекинг пред утрешното свечено отворање на Зимските олимписки игри. Дехари ќе настапи во велеслаломската и слаломската трка кои на програмата се на 13. и 16. февруари.
За потсетување свеченото отворање на игрите е утре со почеток во 13 часот по средноевропско време, а знаменосци за Македонија ќе бидат Ана Цветановска и Дардан Дехари.
„Нашиот спортист Дардан Дехари, нестрпливо ја очекува својата прва трка, но не запира со своите подготовки под будното око на својот тренер и олимпиец Антонио Ристовски кој е веќе четврти пат на Олимписките игри. Условите во Пекинг се извонредни и покрај исклучително ладното време. Со нетрпение ја очекуваме церемонијата за свеченото отварање на Пекинг Олимписки игри 2022“, стои во соопштението на МОК.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА