Искусниот кошаркарски стратег Дејвид Блат ќе остане на Стариот континент и во наредните две години ќе го предводи Олимпијакос. Иако имаше најави дека би можел да замине во НБА – лигата, сепак, Блат ја прифати понудата на грчкиот клуб за двегодишна соработка.
Тој во изминатите две години го предводеше турскиот тим Дарушафака. Во втората сезона направи голем успех, го освои Еврокупот и стана вториот тренер после Душан Ивковиќ што во кариерата успеал да освои трофеи во Евролигата (Макаби), Еврокупот (Дарушафака), Евробаскет (Русија) и да има олимписки медал (бронза со Русија во 2012 година).
По неуспешната сезона, раководството на Олимпијакос одлучи да му се заблагодари на Јанис Сферопулос, а Дајвид Блат треба да го наследи на тренерската позиција кај „црвено-белите“ од Пиреја.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
