Екипата на Башкими ја искористи десетдневната пауза поради квалификациските натпревари за Светското првенство во 2026 година и одигра пријателски натпревар со Гњилане во гости, притоа забележувајќи победа од 3-2.
Екипата од Куманово отпатува во Кавадарци со максимален фокус и јасна цел – да одигра добар натпревар и да се врати дома со цел плен.
„Нe очекува тежок натпревар бидејќи Тиквеш по лошата серија, сега е тим достоен за почит. Башкими ја искористи оваа кратка пауза за да ги наполни батериите и да се подготви што е можно подобро за претстојниот натпревар. Евентуална победа ќе нe позиционира високо на табелата и ќе ни овозможи порелаксирана пролетна сезона. Башкими нема да се врати со празни раце од Кавадарци, тоа им го должиме на нашите навивачи и на градот“, вели Ардит Демири.
Натпреварот меѓу Тиквеш и Башкими ќе се игра на стадион во Кавадарци, со почеток во 13:00 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
