Македонскиот фудбалски репрезентативец Дејан Илиев останува член на англискиот премиерлигаш Арсенал до јуни 2022 година. Клубот ја искористи опцијата да ја продолжи соработката со Илиев и за наредните две години, што беше вметната како клаузула (2+2 години) во договорот потпишан во 2018 година.
Раководството на „топчиите“ го информираше Дени Илиев дека сака да го задржи на „Емирати“ и во наредните две сезони.
Арсенал исто така го прекина и договорот за позајмица на Дени Илиев во словачкиот прволигаш Серед кој беше со важност до крајот на сезоната. Премиерлигашот го доведе Микел Артета за нов менаџер и тој во наредниот период ќе донесе одлука дали Дени Илиев ќе биде во конкуренција за првиот тим на „топчиите“ или пак можеби повторно ќе замине на позајмица.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА