Кошаркарите на Денвер се на само чекор од историјата, до прва титула во историјата откако во четвртиот меч славеа со 108-95 против Мајами па сега имаат водство од 3-1 во финалната серија во НБА лигата.
Избраниците на Мајкл Мелоун шанса за првиот свој трофеј ќе имаат во вторник наутро кога повторно на свој терен го пречекуваат Мајами во петтиот натпревар.
За разлика од претходните мечеви, сега Брус Браун и Ерон Гордон беа водечки имиња кај Денвер, наспротив Никола Јокиќ кој го заврши мечот со „дабл-дабл“ но поради пет лични грешки мораше на стартот од четвртиот период да излезе и беше отсечен од играта.
Денвер токму во тие моменти покажа ширина, дека не е само Јокиќ во екипата кој мечот го заврши со 23 поени, 12 скока и четири асистенции, а најефикасен во победничкиот тим беше Гордон со 27 поени. Одличен беше и Брус Браун со 21 поен, додека Мареј заврши со 15 поени и 12 асистенции.
Nikola Jokic with a strong performance as the @nuggets win Game 4 on the road to take a 3-1 lead!
23 PTS, 12 REB, 3 BLK, 3 STL
📅 Game 5: Monday, 8:30pm/et on ABC pic.twitter.com/rLLqbxoW39
— NBA (@NBA) June 10, 2023
Во поразениот тим на Мајами се издвои Батлер со 25 поени, додека Адебајо постигна 20 поени, дополнето со 11 скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА