Одличната партија на Џејмс Харден се издвојува од синоќешните натпревари во НБА лигата.
Бруклин гостување на Хјустон, славејќи со 114-132 во натпревар во кој извонреден учинок имаше токму довчерашниот кошаркар на Хјустон, Џејмс Харден.
„Брадата“ дојде до нов трипл-дабл од 29 поени, 14 асистенции и 10 скока. Кај Хјустон се издвоија Вол со 36 поени и Оладипо со 33 поени, но беа немоќни да го спасат својот тим од пораз.
ЛА Лејкерс доживеа втор едноподруго пораз. Без Леброн Џејмс и Ентони Дејвис, Лејкерс загубија на гостувањето кај Сакраменто со 123-120.
Домашните до победата ги водеше Бади Хилд со 29 поени, додека кај Лејкерс се истакнаа Денис Шредер со 29 поени и Монтрелз Харел со 28 поени.
Во останатите натпревари Индијана славеше на гостувањето против Кливленд со 111-114, а Филаделфија по продолжение ја победи Јута со 131-123. Детроит извојува гостинска победа кај Торонто од 105-129, Минесота загуби на домашен терен од Шарлот со 102-135, а Чикаго го победи Њу Орлеанс на гости со 124-128. Далас победи со Оклахома со 87-78, Портланд беше подобар од Голден стејт со 108-106.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
