Голманот на македонската репрезентација Столе Димитриевски, пред дуелот со Италија даде интервју за италијанските медиуми во кое кажа дека Џанлуиџи Буфон е неговиот идол, и дека би сакал да биде како него и да игра и после 40 години.
„Буфон е мојот идол како дете и сега, затоа што е вечен. Ми се допаѓа како се однесува на теренот и надвор од него, и сега за мене е бесмртен. Неговиот договор истекува исто како мојот, можеби ќе треба да дојдам и да го заменам во Парма“, рече Димитриевски.
Потоа коментираше за настапот на Европското првенство, како и за баражот против Италија.
„Фудбалот е прекрасен. Бевме на Европско првенство, кое го освои Италија, а сега играме со нив за пласман на Мундијалот. Се бориме за иста цел“, рече репрезентативната „единица“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
