Македонскиот репрезентативен голман Столе Димитриевски, викендов има обврски со Рајо Ваљекано во шпанската Ла Лига, по што доаѓа во Македонија на собирот на националниот тим за натпреварите со Ерменија и со Исланд во рамките од квалификациите за пласман на СП 2022 година.
Димитриевски во интервју за „МЕГА“ зборуваше за разни теми. Една од нив беше ВАР технологијата, а Димитриевски напомена дека не му се допаѓа многу.
„Не ми се допаѓа многу ВАР“, раскажува Димитриевски и објаснува:
„Не го сакам затоа што и тој понекогаш греши, иако во голем дел од случаите носи добри одлуки. Но, сето тоа е многу бавно, многу долго време треба да се донесат одлуки“, рече Димитриевски.
Голманот зборуваше и за неговата кариера, за која вели дека многу му помогнало семејството, кое отсекогаш верувало во него.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
