Уникс Казањ на македонскиот интернационалец Ненад Димитријевиќ стигна до 15. победа во сезоната откако славеше на гостувањето кај Нижњи Новгород со 61-70 во 19. коло од ВТБ лигата.
Македонецот одново одигра одличен натпревар во кој го предводеше својот тим со 13 поени при реализација 5/12 од поле и 2/2 во обидите за еден поен, а додаде и 5 асистенции и една украдена топка притоа забележувајќи одлична улога и во нападот и во одбрната во одлучувачките моменти од средбата.
Новата победа го зацврсти Уникс на второто место на талбелата зад ЦСКА Москва која ја предводи македонскиот стратег Емил Рајковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
