Македонскиот репрезентативец Ненад Димитријевиќ се најде на скратениот список од 12 кошаркари кои конкурираат за наградата за најдобар млад играч во Ендеса-лигата. Нашиот интернационалец сезонава доби посериозна минутажа од тренерот на Хувентуд и максимално ја оправда довербата, прикажувајќи одлични игри за тимот од Бадалона.
Тој е еден од тројцата кошаркари на Хувентуд кои се најдоа во овој финален избор, заедно со Пара и со Жагарс. Во конкуренција се и суперталентите на Реал Мадрид и на Барселона, Усман Гаруба и Леандро Болмано, како и ланскиот добитник на наградата, Карлос Алкосен од Сарагоса.
Гласањето ќе се врши до 24 јуни, кога ќе биде познато името на новиот лауреат, како и на членовите на најдобрата петорка млади кошаркари во Ендеса-лигата.
Во меѓувреме, Димитријевиќ ќе настапи за Хувентуд на завршниот турнир од шпанскиот шампионат што ќе се одржи во Валенсија. Тимот од Бадалона се наоѓа во група со Барселона, Тенерифе, Уникаха, Билбао и Басконија, а во првото коло на 17 јуни ќе се сретне со „големата“ Барса.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
