Динамо Загреб се рехабилитираше од поразот во дербито против Хајдук со победа на гостувањето кај Горица од 0-1 во 32 коло од хрватското првенство. Херојот на „модрите“ беше македонскиот репрезентативец Аријан Адеми кој во 86. минута го постигна победоносниот гол, кој воедно значи и чекор понапред кон одбрана на титулата.
Со новите три бода загрепскиот клуб ја зацврсти својата позиција на врвот на табелата со скор од 21 победа, 6 реми средби и 5 порази за вкупно 69 освоени бода, пет повеќе од второпласираниот Осијек.
Во полза на Динамо Загреб беше и натпреварот помеѓу Славен и Хајдук, кој заврши без голови па сплитскиот клуб сега заостанува шест бода зад лидерот на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА