Динамо Загреб до денеска треба да го поднесе списокот на играчи на кои ќе смета во настапите во Лигата на Конференции, и дуелот против Бетис во 1/8 финалето од ова натпреварување. „Модрите“ најпрво на 15 февруари ќе гостуваат во Шпанија, а потоа седум дена подоцна го играат реваншот на „Максимир“.
Аријан Адеми поради доцниот „кам-бек“, не беше пријавен за првиот дел од сезоната во Европа, а веројатно нема да игра во Лигата на Конференции ниту во пролетниот дел. Динамо Загреб може да го дополни списокот со три нови имиња, а меѓу нив веројатно ќе го нема Аријан Адеми, пренесува порталот „24 сата“.
Тренерот на Динамо, Сергеј Јакировиќ размислува да ги пријави Теофил, Огивара и Хоџа, што ќе значи во тој случај за Адеми ќе нема место за европските настапи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
