Динамо Загреб се квалификуваше во плеј-офот во квалификациите за Лигата на шампионите откако славеше на гостувањето кај полска Легија со 0-1. Клучниот момент во натпреварот се случи во 20. минута кога Бартол Фрањиќ го постигна победоносниот гол за „модрите“. За потсетување првиот натпревар на „Максимир“ заврши без победник 1-1.
Аријан Адеми поради повреда повторно беше надвор од тимот, додека Стефан Ристовски го одигра цел натпревар. Во плеј-офот Динамо Загреб ќе игра против молдавски Шериф Тираспол кој ја исфрли „бледата“ Црвена Звезда.
Пласман понатаму обезбеди и Малме кој со идентични 1-2 славеше и во реваншот против Ренџерс, како и Бенфика која рутински ја мина Спартак Москва. Во најинтересниот меч во вечерашната понуда бугарскиот Лудогорец по изведување на пенали го елиминираше фаворизираниот грчки Олимпијакос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
