Навивачите на ПСЖ веќе подолго време не ја кријат желбата клубот што поскоро да се ослободи од Лео Меси, но дното беше допрено вечерва, откако Аргентинецот е исвиркуван буквално при секој допир со топката на дуелот со Ажаксио што се игра на „Паркот на принцовите“.
Ова е прв натпревар на Меси по изречената суспензија од клубот за патувањето во Саудиска Арабија, а најверните навивачи јасно ставија до знаење дека за Аргентинецот нема место во нивниот омилен клуб.
Уште еден јасен знак дека за Лео Меси нема иднина во ПСЖ и дека аргентинскиот генијалец на крајот од сезонава дефинитивно ќе си замине од редовите на францускиот првак.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
