Тотенхем се подготвува за заминување на Хари Кејн, но добра вест за лондонскиот клуб е што Хеунг Мин Сон ќе продолжи уште долго да го носи дресот на „спарси“. Корејскиот ас, кој заедно со Кејн со години наназад е лидер на тимот на Тотенхем, денеска и официјално ја потврди лојалноста кон лондонскиот премиерлигаш потпишувајќи нов четиригодишен договор.
Сон е член на Тотенхем од август 2015 година, кога пристигна од редовите на Баер Леверкузен. Тој оттогаш има настапено на 280 средби за лондонскиот клуб, притоа постигнувајќи 107 гола и 64 асистенции.
„За мене е огромна чест што ги минав последните шест години во Тотенхем, овој клуб ми покажува огромен респект и пресреќен сум што сум овде. Немав дилема, се договоривме многу брзо бидејќи јас и не размислував за ништо друго освен за останување во Тотенхем“, изјави Сон.
✍️ We are delighted to announce that Heung-Min Son has signed a new four-year contract with the Club, which will run until 2025.
— Tottenham Hotspur (@SpursOfficial) July 23, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
