Репрезентативната пауза беше добредојдена за дел од клубовите со поголем број на повредени фудбалери, кои го искористија времето за рехабилитација и побрзо враќање на терените. Така, Барселона наскоро повторно ќе ги има во тимот Педри и Френки де Јонг, откако двајцата фудбалери влегоа во последната фаза од рехабилитациите по повредите што ги заработија пред нецел месец.
Педри веќе почна да тренира индивидуално и од понеделник би требало да стартува со тренинзи со екипата. Де Јонг се уште не е почнат со тренинзи со топка, но во лекарскиот тим постои огромна доза оптимизам дека и холандскиот ас наскоро ќе му биде на располагање на тренерот Чави.
Двајцата дефинитивно нема да настапат викендов против Лас Палмас, а планот е тренерот Чави да ги има на располагање Де Јонг и Педри за првиот меч од четвртфиналето од Лигата на Шампионите против ПСЖ, закажан за 10 април.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
