Џанлуиџи Буфон денеска слави свој 40-ти роденден. Легендарниот италијански голман се запиша во историјата на фудбалот како еден од најдобрите голмани на сите времиња.
Но, нема да остане запаметен само по својата фудбалска големина и човечка добрина, но и по бројните свои изјави со кои го засмејуваше фудбалскиот свет.
На денот кога легендата го прославува својот 40-ти роденден, а се уште најавува дека и натаму останува меѓу стативите, потсетете се на неговите 10 највпечатливи изјави.
1.САКАМ ДА ЈАДАМ КАКО СВИЊА…
„Мој најголем проблем е лакомоста. Се обидувам да се воздржам затоа што сум спортист, но барем еднаш неделно сакам да се најадам како свиња!“
2. КАКОВ МЕНАЏМЕНТ, УБАВИНАТА НА ФУДБАЛОТ Е НА ТРЕВАТА
„Занемарете го менаџментот, не се оптоварувајте со раководствата. Тревата е најубавиот дел од фудбалот. Ти овозможува емоции кои на животот му даваат смисла“.
3. ЗА ИТАЛИЈА БИ БРАНЕЛ И НА 80 ГОДИНИ
„Италија да нема голман, и со 80 години би бил подготвен да се јавам на повикот и да бранам за мојата земја“.
4. НЕ МЕ ИНТЕРЕСИРААТ АВТОМОБИЛИ
„Можеби сум единствен фудбалер кого не го интересираат автомобили. Мојата Ланчија Y ме вози секаде каде што сакам“.
5. МЕСИ НЕ Е ОД ОВАА ПЛАНЕТА
„Лионел Меси дефинитивно не е од оваа планета. Тој само се одлучил да се натпреварува со човечкиот род. Сама сакам кога игра против мене барем за момент да заборави на своите вонземски корени“.
6. САКАМ ДА УДРАМ НЕКОГО СО ГЛАВА
„Како го замислувам мојот последен натпревар? Можеби како Зинедин Зидан некого да удрам со глава!“
7. БРАЗИЛЕЦОТ РОНАЛДО КАКО ДА БЕШЕ КРЕИРАН ВО ЛАБОРАТОРИЈА
„Најмногу проблеми ми создаваше Бразилецот Роналдо де Лима. Беше перфектен. Беше неверојатен. Како да беше креиран во некоја фудбалска лабораторија“.
8. ЗА МЕЧ СЕ ПОДГОТВУВАМ СО СМЕШНИ ВИДЕА
„Во својата хотелска соба никогаш не гледам изведување пенали, ниту пак сакам да се подготвам за противничките фудбалери. Се подготвувам така што гледам смешни видеа од фудбалски натпревари“.
9. ОВА СО ВАР СИСТЕМОТ ПОВЕЌЕ НЕ Е ФУДБАЛ
„Ни рекоа дека ВАР системот ќе биде користен за да се детектираат грешки. Но, сега се проверува секое мрдање со прстот. Ова веќе не е фудбал. Нашиот спорт се претвори во ватерполо. Предолго траат консултациите и анализите. Нема веќе славје ни кога ќе ти досудат пенал… Чекаш шест минути дали ќе ти досудат пенал, и после ти е сеедно“.
10. НЕ СУМ СЕКОГАШ ЗАДОВОЛЕН ОД ЖИВОТОТ, НАПРАВИВ И МНОГУ ГРЕШКИ
„Не сум баш секогаш задоволен од животот во кој направив и многу грешки. Јас, на крајот од краиштата, сум само обичен човек. Причини за депресија има многу, без разлика од тоа дали имате пари и дали сте познати. Погрешен животен партнер или работа која не ја сакате ве тераат да се посомневате во себе. Тешки се тоа моменти. А, луѓето, навивачите… Нив не им е грижа како вие се чувствувате. Ве перцепираат како фудбалер и идол и воопшто не се прашуваат дали сте од крв и месо. Лесно во овој наш свет се станува роб на својата слика!“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
