Силекс првите три кола од сезоната ги почна во стилот „топло-ладно“. Почна со пораз од Работнички 1-0 во Скопје, а потоа во Кратово ја „распарчи“ екипата на Брера со 4-0. Следуваше гостување во Битола кај Пелистер, и нов пораз од 1-0.
Дарко Додев, играчот на Силекс го најави утрешниот меч против Шкупи, кој во пресметката во Кратово влегува расположен по победата над Вардар од 3-0 на „Чаир“.
„Шкупи е еден одличен клуб со одлични играчи. Имаме целосен респект за тој клуб, а Силекс мора да покаже добра игра ако сака да извади поволен резултат. Она што го одигравме против ФК Пелистер беше навистина лошо и мислам дека ќе имаме некои промени за кои ќе одлучи стручниот штаб. Тоа ќе биде меч со доста емоции за мене, но мислам дека со некои промени во составот ќе можеме да дојдеме до позитивен резултат. Не е битно кој ќе постигне гол, важно е да излеземе во сабота како тим и да покажеме дека Силекс има екипа да игра добро во континуитет“, рече Додев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
