Возачите на Ред Бул, Даниел Рикиардо и Макс Ферстапен доминираа на вториот слободен тренинг пред Ф1 трката за ГН на Монте Карло.
Австралиецот беше убедливо домнинантен на култната патека низ улиците на Монте Карло и постави најбрзо време од 1:11.841 минути. Ниеден друг возач не постигна време под 1:12 мин., а најблиску со Рикиардо беше неговиот клупски колега, Ферстапен, со најдобро време од 1:12.035 мин.
Двајцата возачи од Ред Бул зад себе ги оставија Себастијан Фетел од Ферари со време 1:12.413 и актуелниот шампион Луис Хамилтон од Мерцедес со време од 1:12.536.
Трката за ГН на Монако се вози во недела со почеток во 14 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
