Лука Дончиќ со генијален шут преку двајца кошаркари на Бостон му ја донесе на тимот на Далас победата на синоќешниот дуел со големиот ривал. Младиот 22-годишен Словенец ја игра својата трета сезона во НБА и веќе има погодено три тројки за победа на својата екипа, бројка со која се наоѓа на самиот врв на ранг-листата во НБА-лигата.
Само за споредба, неповторливиот Коби Брајант за време на својата извонредна кариера исто така има погодено три победнички тројки, но од вкупно 1346 одиграни средби, додека Дончиќ до оваа бројка стигна по само 207 натпревари во НБА. По три победнички шутеви од далечина имаат погодено и Кевин Дурант (од 893 средби) и Демијан Лилард (691 одигран меч).
„Ова се моменти за кои се живее. Да се дадат поени за победа со звукот на сирената и да се почне да се слави, тоа е најдоброто чувство во светот“, изјави Дончиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА