Манчестер Јунајтед успеа да врзе три победи во серија под водство на Мајкл Керик откако „црвените ѓаволи“ славеа над Фулам со 3-2. Дуелот на „Олд Трафорд“ беше максимално интересен, домаќините имаа 2-0 со головите на Кашемиро и на Куња, но потоа потстувајќи на бројни слични ситуации од изминатите години дозволија противникот да се врати и да израмни на 2-2 со гол во 90. минута.
Сепак, дека овој Јунајтед на Керик е поразличен од оној на Аморим видовме во судиското продолжение, Јунајтед веднаш тргна во офанзива и успеа да постигне и трет гол, дело на Шешко на асистенција на Бруно Фернандеш.
Астон Вила ја губи трката со водечките откако тимот на Унаи Емери попладнево загуби на домашен терен од Брентфорд со 0-1. Уатара беше стрелец на единствениот гол во финишот од првото полувреме, и тоа во ситуација кога Брентфорд остана со играч помалку по црвениот картон на Шаде. Сепак, дури и со ваква предност Астон Вила без повредениот Воткинс не успеа да искреира ништо посериозно, на крајот останувајќи без бодови на овој меч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
