Мајкл Џордан продолжува да соборува рекорди и да испишува историја по повеќе од две децении откако ја заврши кошарката. Дрес со неговото име е продаден на аукција за неверојатни 12.26 милиони долари.
Станува збор за дресот со број 23 на Чикаго булс кој го носеше Џордан во третиот натпревар од големото НБА-финале против Јута џез кој се играше на 7 јуни 1998 година. Чикаго на тој меч ја декласира Јута со 96:54, а Џордан постигна 24 поени.
Дресот беше продаден на аукцијата која ја организираше аукциската куќа „Јопитер“ и стана најскапопродаден дрес на некој НБА играч во историјата.
Овој дрес има дополнителна вредност бидејќи е од последната сезона на Џордан во Чикаго кога дојде до шестата шампионска титула.
Претходната рекордна продажба на НБА дрес исто така е на Џордан и тоа од првиот финален натпревар против Јута во 1998 година кој е продаден за 10.1 милиони долари во 2022 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
