Кошаркарите на Денвер Нагетс го вратија водството во финалната серија во НБА лигата (2-1) откако синоќа направија брејк на гостувањетот кај Мајами Хит со 94-109.
Брутална партија имаше неверојатниот Никола Јокиќ кој мечот го заврши со 32 поени, 21 скок и 10 асистенции, учинок со кој стана првиот кошаркар на кого во финална серија му успеало да има повеќе од 30 поени, 20 скока и 10 асистенции.
Свое мислење за целиот натпревар даде и Кевин Дурант, кој го пофали Никола, но набрзо по објавата од непознати причини го избриша „твитот“.
„Мислам дека Јокиќ не сака да биде ѕвезда, ниту пак му е грижа да биде. Тој само сака да оди на работа, па да се врати дома, да разговара на „Facetime“ со коњите и да скокне во базенот“, изјави Дурант.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
