Душко Ивановиќ е нов тренер на Басконија, пренесуваат шпанските медиуми. Црногорскиот стратег се враќа во Виторија, која под негово водство два пати ја освојуваше АЦБ лигата, четири пати Купот на кралот, а еднаш беше најдобар и во Суперкупот.
Ивановиќ доаѓа од екипата на Бешикташ, со која настапуваше во Лигата на шампионите на ФИБА. Стратегот има големо искуство во Шпанското првенство и во Евролигата каде има повеќе од 750 натпревари зад себе.
Договорот е со важност до крајот на сезоната, а своето деби на кормилото на клубот ќе го има во четврток во мечот од Евролигата против Алба Берлин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
