Илија Несторовски на најдобар можен начин се „извини“ за промашениот пенал минатото коло откако македонскиот голгетер денеска го предводеше Палермо до убедлива победа над Карпи од 4-1.
Капитенот на Палермо го почна мечот со мајсторска асистенција со глава до Фалети за водство од 1-0, за потоа самиот да зголеми на 2-0 со прецизен шут од петнаесетина метри. Карпи намали на самиот почеток од вториот дел, но Палермо ја врати предноста на 3-1 преку Пушкаш, на додавање на Александар Трајковски.
Конечните 4-1 во самиот финиш ги постави Несторовски, постигнувајќи го својот деветти погодок во „Серија Б“ сезонава.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
