Работнички максимално го искористи лесниот распоред на стартот од сезоната, во третото коло стигнувајќи до трет триумф, овојпат над домашен терен над новиот прволигаш КК Ангели со резултат 86-69. Тимот од Кисела Вода има за што да жали ако се знае дека на полувреме имаше водство од 38-49, но потоа на сцена стапија домашните кошаркари, кои доминираа до самиот крај и триумфираа со огромни 28 поени во второто полувреме.
Првата четвртина мина во израмнета битка, за потоа Анегли да „експлодираат“ во вториот период, во кој гостите реализираа дури 31 поен (21-31). Мандерсон беше во главна улога во првото полувреме во кое постигна 19 поени, но „центарци“ најдоа начин како да го запрат главното оружје на противникот, воедно и да влезат во ритам во нападот. Пресвртот беше направен веќе во третата четвртина во која гостите постигнаа само четири поени (17-4), за во последните 10 минути Работнички да стине и до убедлива победа.
Емерсон беше најефикасен кај победничкиот тим со 21 поен, Данаиловски реализираше 18 поени, додека Мацура оствари дабл-дабл од 17 поени и 17 скокови. Во таборот на Ангели прв стрелец остана Мандерсон со 22 поени, само три од нив во второто полувреме.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА