Менаџерот на Челси, Антонио Конте, може да здивне, затоа што ќе го има на располагање Еден Азар за утрешниот меч против Лестер на гостински терен. Се уште не е познато дали Азар ќе стартува во составот на „сините“, но ја надмина повредата и подготвен е да му помогне на тимот.
„Тој работеше напорно за да се подготви после повредата. Сигурно ќе добие минутажа, а колку ќе игра ќе одлучам непосредно пред мечот“, изјави Антонио Конте.
Своето деби се очекува да го има и Дени Дриквотер, и тоа против довчерашниот клуб Лестер.
„Тој е големо засилување за нас. Минатата седмица напорно тренираше, разбирам дека тој сака веднаш да се наметне, тоа е одлично за конкуренцијата во составот“, истакна менаџерот на Челси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
