Селекторот на ракометната репрезентација на Германија, Алфред Гисласон се соочува со големи проблеми пред решавачкиот меч против Полска за првото место во групата Д на Европското ракометно првенство во Унгарија и Словачка.
На последното тестирање дури пет ракометари на „панцирите“ се позитивни на коронавирус. Голманот Андреас Вулф е најзвучното име со позитивен тест на ковид-19, а позитивни се и десниот бек Каи Хефнер, централниот бек Лука Вицке, десното крило Тимо Кастенинг и ракометарот кој игра на позиција лево крило, Лукас Мертенс. Претходно во репрезентацијата на Германија позитивни беа Хендрик Вагнер и Јулиус Кун.
Натпреварот меѓу Германија и Полска започнува со почеток од 18 часот, а арбитри на мечот ќе бидат Начевски и Николов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
