Европскиот ракометен првак Вардар ќе биде носител на една од двете групи во прелиминарната фаза од новата сезона во Лигата на шампионите. ЕХФ го смести Вардар заедно со Пари Сен Жермен во првиот шешир во пресрет на извлекувањето на групите закажано за 27 јуни. 16-те екипи кои ќе се натпреваруваат во А и во Б групите се поделени во осум шешири. Во вториот се сместени Веспрем и Барселона.
Со оглед на правилото дека екипи од Франција, Германија, Шведска и од Унгарија не можат да играат меѓусебе во оваа фаза, извесно е дека Вардар во групата меѓу противниците ќе го има Монпелје.
Еурофарм Работник, пак, кој ќе дебитира во елитното натпреварување, но во послабата конкуренција, ЕХФ го смести во четвртиот шешир меѓу 12-те екипи. Партнер на битолскиот тим во овој квалитативен ранг е шведскиот Кристијанштад.
Форматот на Лигата на шампионите и следната сезона ќе биде идентичен како и во претходните.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
